DEPOLISADO

Sa birtwal mong buhay

Na natuon sa gadyet na uso

Sa bagong modelo ng cellphone

At sa nag-pupumilit makasabay na di gaanong uso

Pero kaya mong bilhin

Isang post modern na cellphone

Para maitxt at maicol ka din

Sa mga computer shop kinse hanggang bente

Para makapag online ka

Sa prendster, sa yahu, sa gugle, at multiply

Counterstrike o Dota at madami pang iba.

Sa Goodboy, sa family computer,

Sa brickgame, sa gameboy

Sa PS1 sa PS2 sa PS3 and so on

Sa PSP sa xBOX at madami pang iba

Sa malamig na mall madaming fast food

Na masarap kainan

Establishementong titignan – tignan

Pero di mo naman kayang bilhan kahit kapirasong damit

Dahil ang signatured mong t-shirt at pants

Ay galing sa wagwagan

Sa masarap na beer at yosi

Sa kapeng sosyal at may gatas

Sa chichirya sa delata kahit ito’y sardinas pa

Sa sopdrinks, mga healthy drinks daw

Mga tea at isotonic water

Masaya ka…

May pag asa pa kayang mapansin mo

Ang babaeng dati rati’y nag sasalita sa rally

Na ngayo’y nawawala na

Ang kuyang aktibista na binaril ng walang awa

Ang mga magulang nilang naghahanap parin ng kanilang mga labi

Kung meron pang naiwan, kung meron pang itinira

Sa marami, napaka – rami pang iba

Na sinunog, itinapon sa estero, sa ilog, sa dagat, ibinaon sa lupa

At buhay na aparatong araw araw nilang pinagpapasasaan.

Mapapansin mo pa kaya kung ikaw ay masaya

Kung kahit ang sarili mong sakit ang sarili mong dusa

Hindi mo na napapansin

Hindi mo na nararamdaman

Manhid ka na

Kelan ka ba makakaramda

Kapag ba bangkay ka na

At bulate nalang ang makikinabang

sa iyong katawan

Gamot

(May chewables na…

Aplikable kaya ito sa mapalaya capsules?

Palagay ko hindi…)

Kapag may sakit ka daw

Dapat gamutin ang sakit

Pero bakit ang sakit ng lipunan

Ang lagnat lang ang ginagamot?

Imbes na rebolusyon

Reporma lang…

Imbes na pagbabagong hubog

Co - existence lang…

Kuntento ka na ba rito?

isang mis ng isip

July 15, 2008

Isang araw ulit

Di naman nagbabago ang mga kaganapan

Di rin naman ako nagbabago

Alipin parin

Alipin ng pang ekonomiyang katayuan…

Bakit ba kasi malaki ang ekspektasyon sa kagaya ko?

Sino, Saan, Kailan?

SINO?

Siya

Sila

Ako

Ikaw

Tayong lahat

SAAN?

Mula sa masa

Sa bahay

Sa eskwela

Sa klasroom

Sa koridor ng portplor

Sa N417

Sa Dome

Sa South Wing

Sa North Wing cubicle

Sa MC

Sa may hagdanan

Sa canteen

Yung karinderya ni nanang

Sa tambayan

Sa SDC

Sa wangwang

Sa tatsulok

Sa hotdog

Sa popye

Sa Teresa

Sa riles

Sa beata (dun sa Pandacan)

Sa Ched

Sa Lagusan

Sa Plaza Miranda

Sa Recto

Sa Morayta

Sa Legarda

Sa Mendiola

Sa Unyon

Sa CS

Sa Masa

KAILAN?

Ngayon

Ngayon na

Tatalikod ka pa ba

Kung alam mong ito ang tama?

Ang lumaban ang magtagumpay

Hindi sa pang -  sariling kagalingan

Kundi sa pag – unlad

Hindi lang ng iyong sarili

Kundi nating lahat

Kasama ng mga masang ating pinaglilingkuran.

Kasabihang walang patutunguhan

(Ang mga kasabihang ito

Ay hindi siryoso

Depende nalang sa pananaw mo

Depende nalang sa nalalaman mo.)

Ang magnanakaw ay galit sa kapwa magnanakaw

Ang magnanakaw ipinakulong ang kapwa magnanakaw (nung galit sila)

Pero ngayon bati na kaya pinalaya.

Pero dahil daw sa awa…

(Para pag nabuko na meron ding maawa. pero matagal ng nabuko)

Dahil ang sinungaling kapatid ng mag nanakaw (totoong kasabihan)

At ang sinungaling ay magnanakaw din

Na may pamilyang magnanakaw din

Ang magnanakaw ay gahaman

Pero mapagbigay din

Marunong magshare ng ninakaw (maki-agahan ka sa kanila)

At ang magnanakaw may sindikato

At ang henerasyon ng mga sidikato

Nakatira sa mansyon ng mga sindikato…

Di narereyd dahil sila ang nang rereyd

draw mode

Komersyal kong mapagpilit….

Boys

Kahit gano ka pa kaganda o nag-mamaganda di kita bibigyan nito

Pero kung ikaw si Donna kahit buong buhay ko ibibagay ko…

Kung ikaw si Gloria malamang palamanan ko ng

chocolate flavored krispy grenade

with gun powder and special TNT ang sandwich mo…

Kung ikaw si Doc Gibana (PUP President) just the same

Dahil si Gloria at Guevarra walang pinag iba

Parehong Tuta! Diktador! Pasista!

Toke

Ito ang beat sabay - sabay

Ito ang beat bawal sablay

Utos ng kanong amo

Sunod kagad ang aso

IMF - World Bank

Kanyang instrumento

Liberalization

Globalization

De-regularization

Militarization

Corruption

Illegal transaction

Bagong tax

At samut saring

Pasakit

Sino ang papasan?

Sino ang magdudusa?

Sa palagay mo,

Sino kaya?

Ako, Ikaw lahat tayo ay taya

Ang mga nasa palasyo lang ang nagpapasasa

System Lost

Lahat may System lost

Kapag Bumili ng yelo sa tindahan

Pag uwi mo sa bahay

May tunaw na

Pero pano ang produktong di naman natutunaw

At kitang kita naman nating ninanakaw

Sa kapabayaang di naman tayo ang may sala

Bakit tayo ang nagpapasan, bakit tayo ang kawawa.

Tiis-yu

Sa bukid walang papel uy

Ikiskis mo sa pilapil uy

Bata sa bukid di nakapag – aral

Di dahil sa bukid ay walang papel

Kundi dahil maraming pumapapel

Sa pekeng repormang agraryo (CARP)

Na isinusulong ng gubyerno

Ang tatay ng bata

Magsasaka ngunit walang lupa

Nag-aararo pero walang araro

Nagtratrabaho pero walang kinikita

Pag nag-reklamo bubusalan ng bala

walang cheeze

walang keso sa ref…

kulang daw ako sa calcium

di naman ako naabala

liban sa pag iisip

na baka maging kahinaan ko ito sa pagrereb

kaya naisipan kong magbitamina…   

ang shout out ko sa friendster: LASON KAYO DYAN???

MASAKIT NA ANG ULO KO

MALAMANG DAHIL SA USOK NA NALANGHAP KO KANINA

MULA SA MALA TAMBUTSONG BIBIG NGA MAMA SA TABI KO

USOK NA NANUNUOT PRODUKTO NG IMPERYALISMO…

SOSI DAW KASING MAGYOSI…

EWAN KO PERO SA AKING TINGIN PARA ITONG LASON SA PINAKAMAGANDANG PAKETE

happy meal

masarap kumain kapag happy ka, parang idinuduyan ng inaamoy amoy na french fries, ng langhap sarap na hamburger, ng pinaka krispylicious juicylicious na chicken joy…

ng totoong tunggalian, ang tunggalian ng mga parang kabuteng mga fast food chains na nagsulputan sa bawat kanto ng lansangan ng maynila…

pano mo pa nga naman maiisip na may dinukot, tinortyur, pinatay nanamang aktibista na lumalaban para sa nasyunalisasyon ng industriya, tunay na reporma sa lupa, karapatang pantao at marami pang iba…